Coat :: Zipia (old) (love this style here)
Dress :: J.Crew (old) (also loving this style here)
Legging :: Aritzia - Talula
Shoes :: J.Crew - Martina
Bag :: Michael Kors - Selma
是咁的
近排係YouTube上熱播既一段短片叫
搞到個個女仔都話要食麥記
本人睇咗條片都覺得幾好睇幾寫實
睇後感係 搵好女朋友唔難
周街都會可以係好女仔
要搵肯願意同你挨麥記既女仔都唔難
只要女人鐘意上一個男人
你要佢食乜都係開心既
重點係 搵到一個肯為你挨麥記既女仔同時
你肯唔肯俾個女仔為你挨麥記
正所謂 你肯付出 人地都未必要接受
初初開始應該會OK既
大家都熱戀期 食個饅頭都可以話簡簡單單幾好吖
過咗一段時間
如果男方開始發現 死喇
自己都唔知要食快餐食到幾時既時候
佢會開始質疑段關係 懷疑自己能力
甚至開始退縮 到最後話"放你走"
到個陣 你只可以安慰自己話
唉～ 都好吖 起碼佢都有為我既將來著想
咁你就傻啦！
一個有承擔力而且又愛你既男人
係唔會因為挫折而放棄你同段關係
而佢會更加明白到你咁愛咁珍惜佢
所以放棄你只會令你更加傷心
一個未ready做一個有承擔力既男人
有乜資格有一個肯挨麥記既女人作為陪伴
分手唯一既原因 問心個句
咪就係唔夠愛囉
所以睇完條片我同馮生講
我可以食麥記但係我願唔願意又係另一回事
同樣 我肯食麥記而佢肯唔肯留我係佢身邊食麥記又係另另外一回事
最重要大家要搞清楚係唔係真係ready settle down
如果一對男女認真地ready既話
男既要放低面子 女既要提高包容度
到嗰陣時 你餐麥記就真係幸福喇
如果唔係既話 講乜都係假
講句拜拜有緣無份就真
