今日本來放工約咗朋友食飯
但係我地臨時改約
馮生話返屋企有公司嘢做
咁難得可以賣甩佢 我梗係要出吓街啦
因為Holt Renfrew有個請柬
所以我就決定向Yorkdale進發
落雨既晚上 濕滑既街道
一個人去shopping 簡直完美
前幾日先買咗部電話比馮生
但就正因為我知道佢唔捨得買比自己
又成日買嘢比我帶我食好嘢
所以我好樂意送咗比佢
當然 我出得去梗係會有戰利品啦
我買完袋行去攞車準備返屋企既時候
我已經開始唸對白
應該點樣同馮生講我又洗咗錢好呢
自篇自導自演咗一大輪之後
笑咗一聲出嚟
痴線 我咁驚做咩
馮生又唔會話我 我驚咩
但係最終我覺得自己好可愛
而且好鐘意自己好驚某Ｄ無聊事
我唔知道兩個人關係應唔應該係咁
不過我驚即是代表我原來都怕失去
我怕馮生會唔喜歡唔鍾意唔開心
我好喜歡自己會怕佢但係又會蝦佢
某程度上係因為我覺得佢啱我先會怕
所以可以搵到自己敬佩既男人
我覺得自己好幸福
平時人地話我好幸福
我都唔好意思唔認
雖然我地唔係有錢家庭出生
但係我地兩個都每日好努力搵錢
目標一致好想快Ｄ置業
當然睇落去就知馮生梗係努力多嗰個
佢成日都講養我好平
淨係買麵買麵包買部電視買部單車
我已經好開心
雖然我唔知我係咪佢講得咁簡單
不過我好樂意一齊"挨"
一齊做出嚟既事先係真正屬於我地兩個人既
希望我地會一直咁維護大家落去
將最好既都留比對方
結論係
我最後都係冇攞個袋入屋
而家仲係車尾
等多兩日冇咁覺先偷偷地鼠入嚟啦
各位晚安 hehe..
..
