 |
| Wherever you go, I will follow.. |
我同馮生拍咗三年幾多
唔好睇我地成日都咁開心
其實我地已經過咗我地第一個低潮
點解話「第一個」？
因為我深深咁相信一段幾十年既關係
裡面一定會經歷一個又一個高潮與低潮
高潮既時候唔好太興奮
低潮既時候亦唔好太沮喪
你地挨得過去 又係新既一日
馮生同我係2011年4月1開始既
個時候既我岩岩正式回復單身
我同佢好快就好岩key
可能大家有共同朋友
一齊係Richmond Hill 長大
同都係UT出身既關係
一拍即合 friend過打band
雖然係咁 初初開始我地都好唔穩定
經過頭一年既磨磨合合
終於令到一個平時好"文靜"既人
可以一日24小時停唔到講野
真係講都冇人信
我成日同婆婆講佢蝦我
啊婆就話「你唔蝦人已經算好啦！」
真係婆生外向 我成家都幫住佢..
頭一年我地周圍去
旅行 美食 x 3495873472
好快過咗頭一年
差不多到第二年既時候
當時係2013年3月左右
我同馮生既低潮嚟啦
個時既我 成日搵朋友出街
盡量將每星期排得密麻麻咁
當時馮生已經搬過嚟同我住咗一段時間
所以我儘量經常搵理由出街
等玩完之後回家唔洗對住佢冇野講
個段時間好難過 時間過得好慢
我記得有某Ｄ朋友同我講
分手啦 你地都唔夾
當時我心諗你知Ｑ咩我地夾唔夾..
我覺得有感情 只可能係呢一刻冇火花
呢段冇性冇愛既關係都拖咗好幾個月
如果你同一個人住
咁既時間係會過得超慢超鬱悶
所以個幾個月實在好難頂
加上個段時間 我冇記錯既話
係我前度男朋友第一次返多倫多探屋企人
o mg 真係精神崩潰
留係屋企鬱悶到核爆
但又唔敢出街 好驚會撞中
個時我的確未有心理準備撞見
所以2013年頭 過得慢過我跑馬拉松
（我未跑過馬拉松.......）
之後我地點樣好返？
我的確係唔記得咗啦
但我好慶幸既係 就算當時點差都好
冇為咗 these two words「淡咗」而放棄段關係
一直以來
我冇忘記馮生點樣對我好好
就算我好衰格好衰格既時候
佢都真係對我好好
佢令我學識堅持一段關係
就算低潮 都要學識去珍惜
我好好好感恩
因為自己當時冇放棄
所以現在有回報啦
如果唔係 邊得嚟未來馮太呢個稱號 :)
我真心相信每一段關係一定有高低潮
低既時候 千祈千祈千祈唔好放手
而我地 都因為經過咗個段時間
變得更相愛 比以前更.甜.蜜.
xoxo
..
