馮生差唔多每一晚都會預備我聽日返工既午餐
雖然金金好易養 但係的確係幾麻煩
話說我就好鍾意食白麵包 但係偏偏就唔鍾意食麵包皮
所以馮生每次都會幫我批走佢
雖然佢薄薄地 但係如果當佢係ham咁夾落麵包既話
食既時候係好難齒出嚟架
一齒就大半塊齒咗出嚟 極度奇怪
有一日放工如常咁坐馮生車時廢up
我講到食lunch時 齒極都咬唔開塊ham
一拉就成塊拉咗出嚟 好彩冇人見到
之後個半份麵包就冇餡 勁齋
今晚我又係見到佢係廚房幫我整緊麵包
點知 發覺批咗皮之外
仲親手幫我將幾塊prosciutto撕碎埋
個一刻 我除咗攬住佢之外我都唔知講咩
佢已經將最好既可以既 都俾哂我啦
而佢 都係冇講嘢 就咁錫咗我一啖
突然間我覺得自己生活係一個超唔現實既現實空間
我有一個咁既童話式伴侶
樣樣事情經過佢雙手都變得幸福簡單
但我地又係存在係一個問題多多既世界裡面
每一日都爲未來而接受挑戰
點都好 係個一刻
我只係好想快Ｄ可以食咗枱上面充滿愛與溫柔既三文治
呢份麵包我會記得好耐好耐
多謝你 honey bun..
xoxo
..
